Blinken-Vuçiq bisedë telefonike, Serbisë i kërkohet marrëveshje me Kosovën
Sekretari Amerikan i Shtetit, Antony Blinken, ka realizuar një bisedë telefonike edhe me presidentin e Serbisë, Aleksandar Vuciq.
Siç ka njoftuar Presidenca e Serbisë, ata kanë folur për procesin e dialogut mes Kosovës dhe Serbisë.
“Tri temat kyçe të bisedës telefonike ishin çështja e Kosovës dhe dëshira e administratës amerikane për të arritur një zgjidhje sa më të shpejtë”, shkruan në njoftimin e shkurtër të këtij institucioni të Serbisë.
“Pastaj u bisedua për marrëdhëniet e Republikës së Serbisë me Federatën Ruse, si dhe diversifikimi i burimeve energjetike të vendit tonë”.
“Sekretari i Shtetit, Blinken e informoi presidentin Vuçiq për domosdoshmërinë e arritjes së shpejtë të një marrëveshjeje me Prishtinën”, shkruan në njoftim.
Në këtë deklaratë zyrtare shkruan se Vuçiq ia prezantoi Blinkenit edhe pikëpamjet e Serbisë.
“Presidenti Vuçiq prezantoi pikëpamjet e Republikës së Serbisë”.
