
Xhelal Sveçla nxjerr videon: Radojçiq drejtoi grupin terrorist në Banjskë
Grupi terrorist i serbëve që sulmoi policinë e Kosovës në fshatin Banjskë të Zveçanit, është drejtuar nga nënkryetari i Listës Serbe, Milan Radojçiq. Ky i fundit shihet edhe në videot që ka publikuar para pak çastesh, ministri i Punëve të Brendshme, Xhelala Sveçla, i cili thotë se nënkryetari i Listës Serbe është prijës i terroristëve që sulmuan policinë e Kosovës.
“Kryekrimineli Radojçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. Kjo është edhe një dëshmi tjetër mbi veprimtarinë e tij terroriste ndaj Republikës së Kosovës. Nënkryetari i Listës Serbe është prijës i sulmit terrorist dhe grupit të terroristëve”, ka deklaruar ministri Sveçla.
Harta e sulmit terrorist, sipas tij, po qartësohet çdo ditë.
“Aleksandër Vuçiq përmes Listës Serbe, dhe këta përmes nënkryetarit të tyre Radojçiq, kanë ndërmarrë veprimin terrorist kundër rendit juridik dhe kushtetues të Republikës së Kosovës duke tentuar të destabilizojnë Republikën tonë. Pra, Lista Serbe e sheh pjesëmarrjen e saj në Kosovë vetëm në mënyrë terroriste. Ata dështuan”, shkruan Sveçla.
Ndërkohë, ditët e zisë të shpallura sot nga Serbia dhe Lista Serbe, sipas ministrit të Punëve të Brendshme, janë tashmë vulosja e autorësisë së këtij organizimi.
“Ky në pamjet më poshtë është Milan Radojçiq, nënkryetar i Listës Serbe, po ashtu pjesë edhe e Listës së Zezë të ShBA-së dhe Mbretërisë së Bashkuar”, shkruan Sveçla në videon e publikuar që po e shfaqim edhe në RTKLive.
https://www.facebook.com/watch/?v=165918599893153
Më shumë storie
Kosova nuk mund të mbetet peng i një partie politike, është koha për përgjegjësi shtetërore
Nga: Ramiz TAFILAJ Kosova gjendet në një situatë kritike. Pas zgjedhjeve të fundit parlamentare, Kuvendi i Republikës së Kosovës nuk ka...
Nga takimi Kurti me liderët, s`ka kompromis për dalje nga ngërçi
Takimi i thirrur nga kryeministri në detyrë dhe lideri i VV-së, Albin Kurti, me krerët e partive politike, përfundoi pa...
Kosovë: Përfundojnë festimet e Vidovdanit në Gazimestan
Kremtimi i Vidovdanit në Gazimestan këtë vit ka kaluar pa ndonjë incident që cenon rendin publik, me përjashtim të disa...
Ka nis takimi i Kurtit me liderët e partive parlamentare
Me përjashtim të kreut të AAK-së, Ramush Haradinaj, të gjithë liderët e partive tjera parlamentare po marrin pjesë në takimin...
Deputeti gjerman: BE të njohë Kosovën dhe ta anëtarësojë në KiE
Deputeti gjerman Johannes Volkmann ka bërë thirrje që Kosova të njihet nga të gjitha shtetet e Bashkimit Evropian dhe të...
Rexhep Taip Erdogan: KFOR-i turk është në veri të Kosovës, s`do të ketë asnjë problem
Presidenti i Turqisë, Rexhep Taip Erdogan, ka deklaruar se derisa KFOR-i Turk është në veriun e Kosovës, aty nuk do...
Average Rating