Kamberi falemnderon Lobin Shqiptaro-Amerikan për mbështetjen ndaj tij dhe shqiptarëve në Luginë të Preshevës

July 27, 2022July 27, 2022

Read Time:1 Minute, 3 Second

Falenderimi i zotit Kamberi:

“Pas përfundimit të takimeve me liderë politik e institucional shqiptarë në rajon për t’i falëmnderuar për përkrahjen e tyre jo vetëm për procesin e sigurimit të një zëri shqiptar nga Lugina në Parlament, por edhe ndaj Luginës së Preshevës në përgjithësi, sot, dua të bëj një falëmderim të veçantë!
Dua të falemnderoj nga thellësia e zemrës ish-Kongresistin Amerikan Joe DioGuardi dhe znj. Shirley Cloyes DioGuardi, udhëheqës të Ligës Qytetare Shqiptaro-Amerikane, organizatës të regjistruar si lobi në Washington, DC. LQSHA e përkrahur nga Bordi i Drejtorëve (ku bëjnë pjesë patriotë të vërtetë shqiptaro-amerikanë) e komuniteti ynë në Amerikë, ka mbi dy dekada të angazhimit sistematik për të ngritur çështjen e Luginës së Preshevës në instancat më të larta të SHBA-ve. Lidhja speciale në mes shqiptarëve në Ballkan dhe Washingtonit është dhe mbetet gurëthemel kyç i kauzës sonë kombëtare e veçanërisht i shpresës reale për zgjidhje të suksesshme të çështjes shqiptare në Luginë. Bashkë me Ligën Qytetare do vazhdojmë misionin tonë historik për shtruar tutje rrugën e zgjidhjes së çështjes shqiptare në Luginën tonë në miqësi permanente me SHBA-të dhe përkrahjen e tyre përmes miqëve të dëshmuar të kombit tonë në kupolen e demokracisë amerikane e botërore, në Kongresin Amerikan!”