Entuziazëm i madh i tifozëve, shqiptarët “pushtojnë” Pragën
Mbështetje dhe dashuri e pakushtëzuar deri në sekondën e fundit. Shqipëria synon kualifikimin në fazën finale të Kampionatit Evropian 2024.
Ndeshjet e mira me Sylvinhon në stol, ka ndezur entuziazmin edhe te tifozët, që si gjithmonë janë të shumtë në përkrahje të ekipit kombëtarë.
Gjatë orëve të mbrëmjes së ditës së mërkurë, në kryeqytetin e Republikës Çeke mbërritën mijëra tifozë nga Shqipëria dhe jo vetëm, duke pushtuar qendrën e Pragës dhe rrugët kryesore të kryeqytetit çek. Atmosferë elektrizuese me dominimin e ngjyrave kuqezi.
Shqipëria deri më tani ka grumbulluar 6 pikë në kualifikueset e Evropianit dhe renditet në vendin e dytë. Grupi E kryesohet nga Çekia, me një pikë më shumë.
