Kryeministri Kurti ka pritur sot kryetarët e partive të listës “Beteja politike e shqiptarëve vazhdon – Shaip Kamberi”
Kryeministri i Republikës së Kosovës Albin Kurti ka pritur në kabinetin e tij kryetarët e partive politike shqiptare që garojnë në zgjedhjet parlamentare në Serbi në listën “Beteja politike e shqiptarëve vazhdon – Shaip Kamberi”
Në takim ishin prezent Shaip Kamberi (PVD), Ragmi Mustafa (PDSH), Shqiprim Musliu (LPD), Naser Aziri (UDSH), Armend Aliu (AL). Bashkë me liderët e partive politike, në takim prezentuan edhe këshilltarja e kryeministrit për Luginë Ardita Sinani si dhe kryetari i Këshillit Kombëtar Shqiptar Nevzad Lutfiu.
Kryeministri Kurti në takim ka folur në superlativ për përfaqësimin e shqiptarëve në parlament nga ana e deputetit Shaip Kamberi si dhe për liderët e partive politike që u unifikuan për një qëllim kombëtar.
Ndërsa deputeti Shaip Kamberi pas takimit ka deklaruar se shqiptarët nuk duhet të mbesin pa zërin e tyre në parlament.
“Shqiptarët e diskriminuar të Luginës nuk duhet e nuk guxojnë të mbesin pa zë përfaqësimi e pa përfaqësim të zëshëm.
Sot, bashkë me partnerët e listës “Beteja politike e shqiptarëve vazhdon – Shaip Kamberi”, në Prishtinë takuam kryeministrin Kurti të cilin e njoftuam për ecurinë e procesit të zgjedhjeve parlamentare të 17 dhjetorit.
Njoftuam kryeministrin për rëndësinë e vazhdimit të përfaqësimit të shqiptarëve në parlament.
Prandaj është me rëndësi që në zgjedhjet e 17 dhjetorit të vazhdohet përfaqësimi i drejtë e i denjë atje.
Duhet që shqiptarët e Luginës, me votë, të sigurojnë përfaqësimin parlamentar dhe të vazhdojnë betejën politike për drejtësi e barazi” ka deklaruar Kamberi
Më shumë storie
Donika Gërvalla: Letra për Këshillin e Evropës është zotim serioz
Zëvendëskryeministrja dhe Ministrja e Punëve të Jashtme dhe Diasporës, Donika Gërvalla në një konferencë për media, ka folur për letrën...
Në Rahovicë të Preshevës, sot u mbajt Akademia përkujtimore e dëshmorëve kombit të UÇPMB-së
Nën organizimin e OVL-UÇPMB-së në Preshevë, sot u mbajt Akademi përkujtimore e dëshmorëve kombit të UÇPMB-së Beteja më e Lavdishme...
Policia e Kosovës ka gjetur dhe konfiskuar një sasi te armatimit në rrethinën e Zveçanit
Në një operacion policor, në veri të vendit, është gjetur dhe konfiskuar një sasi e armatimit në rrethinën e Zveçanit,...
Pas takimit, Kurti: Jam i gatshëm për të diskutuar datën e zgjedhjeve
Kryeministri Albin Kurti pas takimit me liderin e PDK-së, Memli Krasniqi ka thënë se është i gatshëm për të diskutuar...
Albin Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i parë, Besnik Bislimi dhe zëvendësministri i Punëve të Jashtme dhe Diasporës,...
Kosova në Këshillin e Evropës, me apo pa kushte?
Kanë mbetur më pak se dy javë kur pritet të votohet për anëtarësimin e Kosovës në Këshillin e Evropës. Por,...
Average Rating