Kryetari i KNSH-së: Ndalimi i Ardita Sinanit nga policia dëshmi për persekutimin e shqiptarëve

Reth ndalesës së Këshilltares së Kryeministrit Kurti në vendkalimin kufitar Muçibabë ka reaguar edhe kryetari i Këshillit Nacional Shqiptar, Nevzad Lutfiu

Për z. Lutfiu, veprimi i policisë serbe ndaj Ardita Sinanit është edhe një dëshmi se mentaliteti i policisë serbe nuk ka ndryshuar aspak.

Postimi i Nevzad Lutfiut

Edhe një dëshmi tjetër e radhës se, mentaliteti i policisë serbe nuk ka ndryshuar aspak.
Ndalimi i Ardita Sinanit nga policia serbe në kufi, dëshmon qartë se shqiptarët e Luginës së Preshevës vazhdojnë të persekutohen nga Serbia dhe i bëj thirrje bashkësisë ndërkombëtare të reagojë kundrejt këtyre shkeljeve të të drejtave të njeriut, sepse Ardita është një përfaqësuese institucionale dhe nuk duhet lejuar që, veprimtaria e saj politike të jetë shkak i ndalesave të këtilla!