Vesna Peshiq: Puna e Kosovës ka përfunduar, ne thjesht po humbim kohë

“Për sa më përket mua, Kosova është një histori e përfunduar, ne thjesht po humbim kohë”, tha sociologia Vesna Peshiq në emisionin Newsnights në televizionin N1.

Sipas Peshiqit, njoftimi i kreut të SNS-së, Aleksandar Vuçiq për formimin e një “blloku serb” është një ide mjaft e paqartë. “A dëshiron të qëndrojë në qendër dhe të thotë – në të majtë janë të gjelbërt, pro-evropianë, dhe në anën tjetër janë të djathtët dhe ai do të jetë mes tyre”, vlerësoi ajo.

Lidhjet e opozitës parlamentare me ideologjinë politike të djathtë po forcohen. Shpesh, atyre u bashkohen akademikë dhe profesorë të një orientimi të ngjashëm. Kësaj radhe, pikë takimi është Proklamata për Mbrojtjen e Kosovës.

“Nuk e di nëse ka pasur ndonjë proklamatë më parë… Por të gjithë janë shumë të njohur në opinion, të gjithë janë nacionalistë, Beqkoviq, Koviq, Çaslav Ociq… Nuk e di se çfarë plani kanë. nuk e kuptoj se si do ta mbrojnë Kosovën, çfarë mund të bëjnë për Kosovën ata”, pyeti Peshiq.

Siç tha ajo, në ballë të tyre është lëvizja Dveri që është “e njohur për këtë temë”.

“Ata janë partia e Putinit, përfaqësojnë vlerat familjare dhe duan ta kthejnë Kosovën. Si do ta kthejnë Kosovën, duke krijuar trupa të armatosur? Riintegrimi i Kosovës është krejtësisht jorealist”, theksoi ajo.

Për zonjën Peshiq, Kosova është një histori e mbyllur.

“Thjesht po humbim kohë”, shtoi ajo.