Kongresmeni amerikan i shqetësuar nga glorifikimi i kriminelit Mlladiq
Read Time:42 Second
Kongresmeni amerikan Bill Keating ka dënuar ashpër glorifikimin e ish-komandantit serb të Bosnjës, Ratko Mlladiq, dhe qëndrimin e autoriteteve serbe ndaj ceremonisë së varrimit të tij.
Përmes një postimi në rrjetin social “X”, Keating tha se është “thellësisht i shqetësuar” nga glorifikimi i Mlladiqit dhe ajo që e cilësoi si mbështetje të heshtur të qeverisë serbe për varrimin e tij.
Ai theksoi se një tribunal ndërkombëtar e ka shpallur Mlladiqin fajtor për krime lufte dhe gjenocid, përfshirë vrasjen e rreth 8 mijë burrave dhe djemve boshnjakë në Srebrenicë.
“Mendimet e mia janë me viktimat e Mlladiqit dhe të gjithë ata që vuajtën si pasojë e veprimeve të tij”, shkroi Keating.
Mlladiqi u varros në Beograd më 7 shtator, në një ceremoni që u shoqërua me nderime ushtarake dhe pjesëmarrje të zyrtarëve serbë, duke shkaktuar reagime të ashpra ndërkombëtare.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating