Aleksandër Vuçiq: Më ka ardhur një propozim nga Franca dhe Gjermania që Kosovës t’i lejohet anëtarësimi në OKB
Read Time:1 Minute, 9 Second
Presidenti serb, Aleksandër Vuçiq, në një konferencë për media ka thënë se i ka shkuar një propozim nga Franca dhe Gjermania lidhur me Kosovën.
Thelbi i këtij propozimi, theksoi ai, është që Serbia të lejojë që Kosova të bëhet anëtare e të gjitha organizatave ndërkombëtare, përfshirë Organizatën e Kombeve të Bashkuara në këmbim të anëtarësimit në BE.
“Pozicioni ynë sa i përket Kosovës po bëhet gjithnjë e më i komplikuar sepse sot kemi në tryezë një propozim nga Franca dhe Gjermania, të cilin duhet ta diskutojmë sepse nuk mund ta hedhësh nga dritarja propozimin e dy fuqive më të mëdha evropiane”, tha presidenti i Serbisë, Aleksandër Vuçiq në një adresim për media, shkruan gazeta serbe Danas.
Vuçiq tha se Serbia nuk do të pajtohet që Kosova të bëhet anëtare e OKB-së, edhe pse siç tha ai parashihen përfitime për anëtarësim në BE si dhe përfitime financiare.
Por Vuçiq tha se ky propozim është i papranueshëm për Serbinë.
Siç tha ai, pas konsultimeve që ka pasur me kryeministren Bërnabiq, është konstatuar se nuk ka vullnet për të pranuar pavarësinë e Kosovës dhe anëtarësimin në OKB.
Vuçiq në konferencën e sotme për media ka folur edhe për synimin e Kosovës që të bëhet pjesë e Këshillit të Evropës.
Siç pretendon kreu i shtetit serb, procedurat për anëtarësimin e Kosovës në Këshillin e Evropës do të fillojnë me 2 apo me 3 nëntor.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating