![](http://www.kosovalindore.com/wp-content/uploads/2023/12/Svecla-e-Ariella-Viehe.jpg)
Xhelal Sveçla: Kërcënimet e Serbisë problem serioz për Kosovën dhe rajonin
Ministri i Punëve të Brendshme, Xhelal Sveçla ka takuar sot në Ministrinë e Punëve të Brendshme Shefen e Operacioneve aktuale, Divizioni për Operacione i Shtabit të Përgjithshëm të NATO-s, znj. Ariella Viehe.
Ministri Sveçla, tha se gjatë takimit me Znj. Viehe, ka biseduar mbi situatën aktuale të sigurisë në Kosovë, veçanërisht në veriun e Kosovës.
“Sulmet e njëpasnjëshme viteve të fundit ndaj institucioneve tona dhe zyrtarëve tanë në veriun e Kosovës si dhe sulmi terrorist i 24 shtatorit ishin çështjet e rëndësishme për të cilat biseduam me znj. Viehe, poashtu edhe për bashkëpunimin dhe bashkëveprimin e mirë e të vazhdueshëm mes KFOR dhe Policisë së Kosovës. Me këtë rast, u dakorduam për bashkëpunim të mëtejmë të institucioneve tona dhe misionit të KFOR”, ka shkruar ai në ‘Facebook’.
Sipas tij, kërcënimet e vazhdueshme të Serbisë dhe ambiciet e saj territoriale për Kosovën vazhdojnë të përbëjnë problem serioz për Kosovën por edhe të rajonit.
“Kosova aspiron rrugën drejt integrimit në NATO dhe në këtë kuptim, do të vazhdojmë përpjekjet tona si partner serioz në garantimin e sigurisë në vend dhe në rajon”, tha ai.
Më shumë storie
APN në Bujanoc, Pajaziti: Orientimi ynë është bashkëpunimi me Qeverinë e Kosovës
Kryeministri i Kosovës, Albin Kurti ka pritur sot në takim kryetarin e Alternativës për Ndryshim në Bujanoc dhe udhëheqësin e...
Ferizaj: Me moton `Liri për çlirimtarin`, u kërkua lirimi i Ramadanit
Me moton liri për çlirimtarin, sot në Ferizaj është mbajtur protestë në kërkim të lirimit sa më parë të ish-ushtuarit...
Shpërthimi afër liqenit të Ujmanit i ka shqetësuar vizitorët
I qetë dhe pa asnjë vizitor buzë liqenit. Kjo është gjendja në Liqenin e Ujmanit pas shpërthimit të fundit. Në...
Gjilan: Një grua nga Presheva raporton se një person ia ka rrëmbyer vëllain për shkak të një borxhi
Policia e Kosovës ka njoftuar se një grua shqiptare nga Presheva ka raportuar në stacionin policor në Gjilan se është...
Albin Kurti pas shpërthimit në veri të Kosovës: Serbisë nuk i leverdis normaliteti
Kryeministri Albin Kurti ka reaguar pas shpërthimit të sotëm në afërsi të Liqenit të Ujmanit, ku u dëmtuan dy automjete,...
Lutfi Haziri: Me Trumpin kthehet marrëveshja e 3 shtatorit 2020, kjo e pret Kosovën
Nënkryetari i LDK-së, Lutfi Haziri ka folur për zgjedhjet presidenciale në Shtetet e Bashkuara të Amerikës që mbahen gjatë muajit...
Average Rating