Kryeministri i Kosovës z. Albin Kurti publikon vendimet për targat dhe letërnjoftimet
Kryeministri i Kosovës Albin Kurti ka publikuar vendimet e sotme të Qeverisë së Kosovës për reciprocitet ndaj letërnjoftimeve të lëshuara nga Serbia dhe regjistrimin e automjeteve me targa RKS për automjetet e pajisura me targat “KM”.

“Me vendim të qeverisë sot rregulluam kalimin e kufirit shtetëror për qytetarët me dokumente personale të lëshuara nga autoritetet e Serbisë, si dhe veturat me targa të regjistrimit të Serbisë. Çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, në pikë-kalimet kufitare do të pajiset me një fletë-deklarim që përkohësisht e zëvendëson përdorimin e dokumentit të tillë.
Ndërsa automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të vazhdojnë të kenë të vendosur ngjitësin në pjesën e simboleve dhe emërtimit shtetëror. Ky mekanizëm do të vlejë deri me 31 tetor 2022″, ka shkruar kryeministri Kurti në Facebook.
Ai ka shkruar edhe për një vendim tjetër në mbledhjen e sotme që u mundëson regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA” nga 10 qershori 1999 deri më datë 21 prill 2022.
“Regjistrimi do të fillojë më 1 gusht 2022 dhe do të zgjasë deri më 31 shtator 2022. Ky vendim ka karakter të papërsëritshëm pas përfundimit të periudhës së vlefshmërisë” ka shkruar Kurti.
Ja vendimet e plota të publikuara nga Kryeministri Kurti:


Më shumë storie
Nesër do të mbahen zgjedhjet për Këshillin Nacional të shqiptarëve të Luginës
Komisioni Republikan i Zgjedhjeve (RIK) ka përcaktuar numrin përfundimtar të votuesve që do të marrin pjesë në zgjedhjet e drejtpërdrejta...
Nesër seanca e Kuvendit, në rend dite edhe Ligji për Dhomat e Specializuara
Kuvendi i Kosovës do të mbajë të hënën, më 5 tetor 2026, seancë të jashtëzakonshme plenare, duke filluar nga ora...
Kongresmeni amerikan i shqetësuar nga glorifikimi i kriminelit Mlladiq
Kongresmeni amerikan Bill Keating ka dënuar ashpër glorifikimin e ish-komandantit serb të Bosnjës, Ratko Mlladiq, dhe qëndrimin e autoriteteve serbe...
Z. Bekim Sejdiu kandidati për President i Kosovës plotëson kriteret që i kam botuar te Gazeta gjithkombëtare “Bota Sot”
Nga Skënder Sadri KAPITI Para disa ditësh Gazeta më e madhe gjithshqiptare “Bota Sot” më ka botuar një shkrim timin me titull “Si...
Kuvendi i Kosovës ka njoftuar për vazhdimin e seancës konstituive të shtunën, më 8 gusht, në orën 11:00
Seanca do të mbahet në Sallën e seancave, duke filluar nga ora 11:00. Në rend të ditës janë zgjedhja e...
Recension kritik mbi veprën “Kronikë ngjarjesh (vitet ’80–’99) – dëshmi kohe” (2025) të Çerkin Ibishit
Nga Hysen Ibrahimi Librin ”Kronikë ngjarjesh” (vitet ’80–’99) – dëshmi kohe (2025), të autorit Çerkin Ibishit, e rëndis si një...

Average Rating