Sulm terrorist në veri të Kosovës: Nga sulmet e një bande Serbe një polic ka vdekur dhe tre janë lënduar

Read Time:2 Minute, 6 Second

Policia e Kosovës përmes një njoftimi për media ka thënë se është vrarë një nga sulmuesit e policisë ku mbeti i vrarë një polic i Kosovës. Me anë të një komunikate të lëshuar për media, Policia ka thënë se situata në veri po vazhdon të jetë e tensionuar.

Policia thekson se ende vazhdojnë sulmet sporadike të grupeve kriminale dhe se policia e Kosovës në vetëmbrojtje të tyre dhe të qytetarëve të asaj zone, janë detyruar t’iu kundërpërgjigjen grupeve kriminale.

Gjithashtu policia ka njoftuar se janë vrarë edhe tre sulmues dhe një është arrestuar. Policia ka njoftuar edhe për arrestimin e katër personave të tjerë të cilët janë kapur në Rudar me radiolidhje.

Ndërkaq, policia u ka bërë thirrje qytetarëve të shftytëzojnë pikëkalimet kufitare alternative sepse ka mbyllur për qarkullim kufitar dy vendkalimet kufitare në veri (Jarinje dhe Bërnjak) për shkaqe sigurie.

“Situata në Veri të vendit, konkretisht në zonën e fshatit Banjska vazhdon të jetë e tensionuar, grupet kriminale kohë pas kohe po sulmojnë me armë zjarri njësitet policore në teren, të cilat edhe përkundër sulmeve ndaj tyre po vazhdojnë angazhimin duke krijuar perimetër të sigurisë, në interes të qetësimit të situatës, ofrimit të sigurisë dhe sundimit të rendit dhe ligjit në Kosovë”, thuhet në njoftim.

“Sulmuesit profesional në numër të konsiderueshëm, të maskuar e të uniformuar me uniforma të ndryshme, të armatosur me armë të rënda, granata, mjete ushtarake (zolla), disa mjete të blinduara, po shfrytëzojnë hapësira dhe objekte të ndryshme, private, përfshirë në dhe përreth manastirit në Banjska, për të kryer lëvizje, strehim dhe pozicionim për gjuajtje me armë zjarri ndaj njësiteve policore të PK-së”.

Njësitet policore, sipas njoftimit, konform situatës dhe rrezikut të shfaqur nga sulmet sporadike të grupeve kriminale, në vetëmbrojtje të tyre dhe të qytetarëve të asaj zone, janë detyruar t’iu kundërpërgjigjen grupeve kriminale, ku referuar informacioneve të deritanishme, një nga sulmuesit është vrarë.

Referuar situatës dhe rrethanave të krijuara, Policia e Kosovës për shkaqe sigurie ka mbyllur për qarkullim kufitar dy vendkalimet kufitare në veri (Jarinje dhe Bërnjak), andaj fton të gjithë qytetarët që të shfrytëzojnë pikat tjera kufitare për qarkullim si dhe të shmangun daljet dhe lëvizjet e tyre në atë rajon/zonë.

“Bashkëpunimi dhe koordinimi i Policisë së Kosovës me institucionet kompetente vendore dhe ndërkombëtare po vazhdon, me qëllim të ruajtjes së rendit dhe sigurisë publike si dhe sjelljes para organeve të drejtësisë së kryerësve të sulmeve të vazhdueshme ndaj zyrtarëve policorë dhe njëherit fton ata që të dorëzohen para organeve të rendit”, thuhet në njoftim.