Shoqata “Drini”, Gjakovë-Shkodër, nderoi me “Mirënjohje” Gazetën e Alpeve
Në Takimin Vjetor përmbyllës, në qytetin e Gjakovës, me 23 të dhjetorit 2022, Shoqata Atdhetare Kulturore “Drini”, Gjakovë-Shkodër, nderoi me “Mirënjohje” edhe Gazetën e Alpeve – media PanShqiptare e NdërBallkanike.
“Mirënjohja” përmban motivacinin “Për kontributin e veçantë në pasqyrim të aktiviteteve duke i dhënë hapësirë të veçantë projekteve lidhëse kombëtare e sidomos me focus “Korridorit Adriatik-Alpe”.
Bordi Botues Ndërkombëtar i gazetës, Redaksia e Rrjeti i Kordinatorëve të saj i shprehim falenderime Shoqatës “Drini”, Gjakovë-Shkodër, për ndarjen e kësaj “Mirënjohje”, për vlerësimet e punës tonë në këto pesë vite të botimit mediatik.
